Ümumi tibbi məlumat
- Daxili hemorroidlərin erkən və orta dərəcələri üçün nəzərdə tutulur. Xarici hemorroid və ya trombozlaşmış düyün üçün uyğun deyil.
- Düz bağırsaqdan qan gəlməsinin başqa səbəbləri də ola bilər. Prosedurdan əvvəl həkim lazım bilsə kolonoskopiya təyin edir.
- Prosedurdan sonra bir neçə gün dolğunluq hissi və yüngül ağrı ola bilər. Halqa düşəndə az miqdarda qan gələ bilər. Çox qan gəlməsi, qızdırma və ya sidik ifrazında çətinlik olarsa, dərhal həkimə müraciət edin.
Səbəblə də işləmək lazımdır
Dr. Atayevanın vurğusu belədir: anal çat və hemorroidin səbəbi düz bağırsaqla anal kanal arasındakı koordinasiyanın pozulması, yəni çıxış obstruksiyası ola bilər. Bu halda çanaq dibi əzələlərinin işi düzəldilməzsə, şikayətlər təkrarlanır. Belə xəstələrə anorektal manometriya və biofeedback terapiyası təklif oluna bilər.